GoTranscript Test 2 Sample Answer

 

Mhoji: Naam, leo ni Siku ya Ndimi Asilia Duniani, siku ambayo imetengwa na Umoja wa Mataifa ili kuhamasisha lugha mbalimbali duniani kote. Watu wengi barani Afrika wanaungumza zaidi ya lugha moja, lakini bado wanasalia kupenda lugha zao za asili. Umoja wa Mataifa unasema lugha nyingi duniani zinapotea kutokana na utandawazi, takribani nusu ya lugha zote 6,000 duniani ziko hatarini kupotea, lakini hata hivyo barani Afrika lugha moja Kiswahili, imejipenyeza na kupata umarufu sio tu ndani ya bara mbali hata nje.

Mzungumzaji 1: Polisi [isiyoeleweka 00:00:28] huyu atafanya nini nitakapokuwa mbali.

Mhoji: Wanafunzi wakisoma Kiswahili hapa London.

Mzungumzaji 2: [Isiyosikika 00:00:36] What is dhamira?

Mhoji: Hili ni somo maarufu sana katika chuo hiki ambapo wanafunzi kadhaa humaliza kila mwaka wakizungumza lugha hii kwa ufasaha.

Mwanafunzi 1: Natoka Marekani nilijifunza Kiswahili nilipoenda Tanzania miaka mitatu iliyopita, nilikaa Mwanza kwa miaka miwili na nusu nikijifunza Kiswahili kule. Nikaanza kusoma hapa SOAS  nanilitaka kuendelea na Kiswahili changu ili kukiboresha kukitumia baadae kikazi.

Moe: Mimi jina langu ni Moe, ninatoka Japani sababu ya kusoma Kiswahili yangu ni, kwanza, nilivutiwa na utamaduni ya kiafrika sana, kama muziki na ngoma.

Jessica: Ninaitwa Jessica na ninatoka Ureno lakini wazazi wangu wanatoka visiwa vya Cape Verde, na nisoma Kiswahili hapa SOAS kwa sababu nafikiri kwamba Kiswahili ni lugha muhimu sana katika Afrika, na nina mpango labda kufanya kazi katika Afrika ya Mashariki.

Greti: Ninaitwa Greti ninatoka Hungaria katika Ulaya Mashariki.  Na nilichagua kusoma Swahili kwa sababu ni lugha kubwa zaidi katika Afrika.

Mhoji: Licha ya kuwa kuna lugha nyingi katika mataifa 54 ya Afrika, Kiswahili kinavutia kwa sababu ya historia yake pana na nafasi yake, kama lugha inayozungumzwa na wengi barani Afrika.

Mzungumzaji 3: Kwa imani pake.

Mhoji: Na kimataifa ilipata umamarufu mkubwa kutokana wimbo na msemo wa hakuna matata. Msemo huu ambao umeekwa hati miliki na kampuni ya Disney ya Marekani, umezua mtafaruku mkubwa kwa wazungumzaji wa Kiswahili.

Mzungumzaji 4: Hili swala la kwamba hakuna matata huchukuliwa kama alama ya biashara, mimi nafikiri si sahihi, kwa sababu, ingawa si Kiswahili fasaha lakini ni maneno ya Kiswahili kwa hivyo unapoyachukua ni kama unachukua lugha ya mtu utamaduni wa mtu unachukua utu wa  mtu, sasa kama leo umechukua maneno yake kesho utachukua nini?

Mhoji: Kiswahili kinazungumzwa na zaidi ya watu milioni 100 Afrika Mashariki na Kati na pia ni moja ya lugha rasmi za Umoja wa Afrika na kuna majadiliano ya kutaka kuifanya lugha hii kuzungumzwa na Waafrika wote. Afrika Kusini hivi karibuni imeingiza Kiswahili kwenye mitaala yake.

Mzungumzaji 5: [lugha ya kiingereza] I go to conferences with fellow sisters from Africa - -

Mkalimani: Huwa na kwenda kwenye mikutano, na hukutana na watu kutoka Afrika wakizungumza Kifaransa, Kiingereza na hakuna kinachotuunganisha kama waafrika, kwa hio watoto wetu wanahitaji kitu ambacho nicha Kiafrika na chenye kutuunganisha, na ni lugha ya Kiswahili.

Mzungumzaji 6: -- which is Kiswahili?

Mhoji: Wakati kuna wasiwasi kuwa mambo kama utandawazi yanaadhili lugha nyingi duniani, Kiswahili kinaonekana kuchana mbuga katika kuunganisha Bara la Afrika na pengine kuwa lugha ya Afrika.

[Mwisho wa Sauti]